هێرش و تیرۆری دەوڵەتانی داگیركاری كوردستان تا دێت و دەڕوات مەترسیدارتر و دڕندانەتر دەبێت. كارنامەی كردەوە تیرۆیستیەكانیان لەكوردستان ئەوەندە بە ئێش و خوێناوییە كە هەڵدانەوەی هەر لاپەڕەیەكی ئەو مێژووە تاڵە بە دەیان تراژیدیا و ئەفسانەی خوێناوی تێدا هەڵ كۆڵدراوە. لەبەرەبەیانی ٣ی فەوریەی ٢٠١٦ی زایینی بەرامبەر بە (١٤ی رێبەندان) فڕۆكە جەنگیەكانی سۆپای داگیركاری توركیا بە هاوكاری زانیاری كۆماری ئیسلامی ئێران و دەست و پێوەندیەکانی، چەند بنكە و بارەگای پژاك یان لەهەرێمەكانی پاراستنی میدیا بە خەستی بۆردۆمان كرد. دەرئەنجامی ئەو بۆردۆمانە ئەندامێكی مەجلیسی پارتیمان بە ناوی گوڵناز عەلیپوور ناسراو بە (بێریڤان…

لە ماوەی دوو هەفتەی ڕابردوودا شایەتی شەپۆلێکی نوێی دەستگیرکردن و توندکردنی ئاسایشی هەرچی زیاتری ڕۆژهەڵاتی کوردستان بووین. ئەم شەپۆلە دەستگیریە بەرفراوانەی چالاکان، لە هونەرمەندانەوە بگرە تا چالاکانی کۆمەڵایەتی، کرێکاری، سیاسی و ژینگەپارێزی گرتۆتە بەر. ئەم جارەش هەروەکو مێژووی هەمیشەیی کۆماری ئیسلامی، بە سود وەرگرتن لە کڵێشە باوەکانی وەک “پەیوەندی بە ڕەوەندە دژبەرەکانی ڕژێم و دژایەتی کردن لە گەڵ پرەنسیپەکانی کۆماری ئیسلامی” پڕۆژەی سەرکوت و سڕینەوەی چالاکانی مەدەنی کوردستان دەستی پێ کردووە. لێدوانەکانی ئەم دواییەی جێگری سیاسی-ئاسایشی پارێزگاری کوردستان لە بەستنەوەی پەیوەندی دەستگیرکراوان بە پارتی ژیانی ئازادی کوردستان-پژاکەوە لە چوارچێوەی پڕۆژەی…

کاری شلێری لەسەروەختی شەڕی کۆبانێ، ساڵێک دەبوو بەشی پزیشکیم تەواو کردبوو. بڕیارمدا بە هەر نرخێک بووە خۆم بگەیەنمە کۆبانێ. لە کۆبانێ، یەکێک لەو کەسانەی لەسەردەمی زانکۆوە لێی دابڕا بووم و خەونم بە دیداری دووبارەیەوە دەبینی، بینیمەوە. بەڵێ، فەرهادم بینییەوە! بەڵام ئێستا شەڕڤانە و سەرتاپای لە خۆڵ و ئارەق هەڵکشاوە. لەجێی جانتا پڕ لەکتێبەکەی جارانی، جانتایەکی پڕ لە فیشەک و بۆمبی دەستکردی لە شاندایەو دەست و مەچەکە پۆڵایینەکەشی وەکو مەعشوقەکەی تفەنگێکیان لە ئامێز گرتووە! ئەو زۆر باش منی لە بیردا مابوو؛ ئایی… خۆ ئەوە فەرهادە! بینیەوەی چەندە ئەفسووناوی و گەردوونی بوو!…

  گەلی کورد ساڵانێکە بە تێکۆشان و بەرخۆدانی بێ وێنەی خۆی لە چوارچێوەی دیاری کردنی چارەنوس و داهاتووی خۆیدا توانیویەتی بەرەو پێشەوە هەنگاو هەڵبگرێ. بەڕێوەبەری ئەم تێکۆشانەش عەبدوڵا ئۆجالان ڕێبەری گەلی کوردو گەلانی ڕۆژهەڵاتی ناوینە، کەهەتا ئەمرۆ پێشەنگایەتی ئەم تێکۆشانە بێ وێنەیە دەکات. نەیارانی گەلی کورد لە ڕۆژی یەکەمی تێکۆشانەوە هەتا ڕۆژگاری ئەمرۆ، ڕێبەر ئاپۆ و بزاڤی ئازادیخوازی گەلی کوردیان کردۆتە ئامانج و بەردەوامیش هێرشیان کردۆتە سەر . ئەم هێرشانە سەرەتا بە دەستگیرکردنی ڕێبەر ئاپۆ لە ١٥ی شوباتی ١٩٩٩ لە وڵاتی کنیا و گەڕاندنەوەی بۆ تورکیا چووە قۆناغێکی نوێوەو لەمڕۆشدا…

  باوەڕی یاری یەکێک لە باوەڕیە دێرینەکانی کوردستان و ئێرانە. ڕۆژی 25 ئۆکتۆبەر ڕۆژی جەژنی خاوەنکار لە باوەڕی یاریدایە. وەک کۆمیتەی باوەڕیەکانی «کۆمەڵگا‌ی دیموکراتیک و ئازادی ڕۆژهەڵاتی کوردستان ـ کۆدار ‌KODAR» ئەم جەژنەی ئازادی، یەکیەتی و تێکۆشان و مرۆڤدۆستی لەوانەی کە باوەڕیان بە ئایینی یاری هەیە پیرۆز دەکەین. بێگومان ئەم ڕۆژە دەتوانێت ببێتە هۆی یەکیەتی و یەکسانی بۆ تێکۆشانی بێ وچانی یارانی باوەڕی یاری لە کوردستان. زۆربەی جەژن‌ و بۆنەکان لە ڕۆژهەڵاتی ناوین و کوردستان دەرەنجامی تێکۆشانێکی بێ وچان و ماندوو نەناسانەن و ئازادیخوازی گەلان باس دەکەن. جەژنی خاوەنکار لە…

ڕۆژی ٧ی ئەیلول هاوکات لەگەل هێرشی "تیرۆریستی" سوپای پاسداران بۆ سەر بنکەی حیزبە کوردییەکان-ی ڕۆژهەڵاتی کوردستان لە شارۆچکەی کۆیە، هێرشی هێزەکانی ڕژیمی سوریا لە قامیشلو و تۆپبارانی هەرێمی کوردستان لەلایەن ڕژیمی ئێرانەوە، سوپای پاسداران ئۆپەراسیۆنێکی سەربازیی بەربڵاوی بەبەشداری بەکرێگیراوانی ناوچەکە لەدژی گەریلاکانی کۆدار لە قووڵایی خاکی ڕۆژهەڵاتی کوردستان لە ناوچەی سنە دەستیپێکرد. دەبێت ئەم ئۆپەراسیۆنە بەربڵاوە لە چوارچێوەی هێرش بۆ سەر هەبوونی کورد ناوبنرێت، لە ئەنجامی ئەو هێرشە بەربڵاوەدا سێ گەریلای ئێمە لەدوای شەڕێکی قارەمانانەدا لەدژی هێزەکانی سوپای پاسدارانی ڕژێمی ئێران شەهیدبوون و لە چارەنووسی یەکێک لە گەریلاکانمان بێ ئاگاین.…

گەلی كورد لە درێژایی تێكۆشانی خۆی بۆ ئازادی و ناسنامە لە ھەموو قۆناخەكاندا ڕووبەڕووی گەلێك ئازار و مەینەتی بووە و ھەموو جارێكیش دەنگی مافخوازی ئەم گەلە ستەم لێ كراوە ھەر جارەیەك لە ژێر ناوێكدا سەركوت  و كپ كراوە. ڕۆژێك بە ناو ئایینەوە شەڕی «مجوس» و «ئاگر پەرەست» ئەكرێت و ڕۆژێكیش بە ناو نەتەوەوە «توركە كێویەكان» و «عوامل بیگانە»  ڕاو ئەكرێن. بەڵام ئەوەی كە ڕوون و ئاشكرایە ئەوەیە كە ئەم بابەتانە تەنیا پاساون بۆ لە ناو بردنی ھەر جۆرە دەنگی حق خوازی و یەكسانیە بۆ كۆمەڵگای ئینسانی لە لایەن دەسەڵات خوازان…

روبار کۆچه‌ٰر  چیرۆکی کوردستان لە چیرۆکی ئەو دایکە دەچێت کە نەوەکانی لێی هەڵدەگەڕێنەوەو سزای دەدەن و سوکایەتی پێدەکەن، ئەمە دیرۆکی تیاماتی دایکە خوداوەندیشە کە ماردۆکی کوڕی لێی هەڵدەگەڕیتەوەو دەیکوژێت. زانستی ئارکۆلۆژیست ئەوەی سەلماندووە کە کوردستان ناوەندێکی هەرە دێرینی دەستپێکی ژیانی مرۆڤایەتی بووە، واتا لانکە، خوێندنگەو دایکی ئاواکردنی نرخە ژیانیەکان و شارستانیەتەکانیشە، بۆیە زۆر بە ئازارە کاتێ ڕاستینەی چوار مێخەکێشانی کوردستان لەلایەن نەوەکانیەوە (شارستانیەتە نوێیەکان) ئاشکرا دەبێت و کەچی ئێستا هاتوون دەیانەوێ خێر بەم دایکە بکەن. ئێستا دەوڵەتە جیهانیەکان کە لە منداڵدانی مێزۆپۆتامیاوە هاتوونەتە دونیا بانگەشەی ئەوە دەکەن کە لەم ناوچەیە…

بۆ ڕای گشتی     وه‌ك دەزانرێت لە ئێستادا خۆڕاگریه‌كی مێژویی لە عەفرین بەڕێوە دەچێت.  لە  دژی فاشیزم و داگیركه‌ری دەوڵەتی تورك، گه‌لی عە‌فرین و شه‌رڤانە قه‌هره‌مانه‌كان‌ بێ وێنە خۆڕاگری دەکەن. هه‌مو كوردستان,خۆرهەڵاتی ناوەڕاست و ته‌واوی جیهان شاهیدی خۆڕاگریەك دەکەن کە وه‌ك خۆڕاگری سه‌رده‌م بەناو دەكرێ‌. دەوڵەتی ڕەگەزپەرستی ئەردۆغان و چه‌تەکانی‌ گرێدراوی نزیكی دوو مانگه‌ هێرشێكی‌ زۆر هۆڤانه‌ لە سه‌ر گه‌لی کورد لە عە‌فرین، لە سه‌ر سڤیلان،‌ منداڵان، ژن و پیرەکان بەڕێوە دەبات‌. لەگەڵ بێ هه‌ڵوێستی هێزە ناوده‌وڵه‌تیەکان، بە پشتگری هێزی ئەمپە‌ریاڵ،‌ دەوڵەتی تورك بەردەوام‌ هێرشەکانی خۆی زۆرتر دەکات‌. لە…

ڕوبار کۆچەر   دامەزراندنی پەکەکە جیاواز لەوەی کە بووە سەرچاوەی بەخشینی هێزو مۆراڵ بۆ گەلی کورد، هاوکات لەکەسایەتی خۆیدا نمونەی کوردی کلاسیک و ڕادەستبووی کوشت و کوردێکی خاوەن ئیرادەو بەپێی پێوانە مرۆییەکانی خولقاند. پەکەکە لە دەرەوەی کلاسیکیەت سەرکەشی فۆرمیکی ترە لە ژیان نەک هەر بۆ کورد بەڵکو بۆ گەلانی تریش، پەکەکە نەک هەر بزوتنەوەیەکی قەدەرگەرا نیە، بەڵکو ئیدی قەدەری گەلەکەی و هەرێمێکی فراوان بەناوی ڕۆژهەڵاتی ناوینیش دیاری دەکات. ئیدی مرۆڤ گەلێک جێگای باسن کە خۆیان خاوەن بڕیارن و بەگوێرەی بەرژەوەندی خۆیان چیان بوێت دەیکەن و هەموو داسەپاندن و مەحکومیەتێک ڕەد…