بۆ ڕای گشتی
وه‌ك دەزانرێت لە ئێستادا خۆڕاگریه‌كی مێژویی لە عەفرین بەڕێوە دەچێت. لە دژی فاشیزم و داگیركه‌ری دەوڵەتی تورك، گه‌لی عەفرین و شه‌رڤانە قه‌هره‌مانه‌كان بێ وێنە خۆڕاگری دەکەن. هه‌مو كوردستان,خۆرهەڵاتی ناوەڕاست و ته‌واوی جیهان شاهیدی خۆڕاگریەك دەکەن کە وه‌ك خۆڕاگری سه‌رده‌م بەناو دەكرێ. دەوڵەتی ڕەگەزپەرستی ئەردۆغان و چه‌تەکانی گرێدراوی نزیكی دوو مانگه هێرشێكی زۆر هۆڤانه لە سه‌ر گه‌لی کورد لە عەفرین، لە سه‌ر سڤیلان، منداڵان، ژن و پیرەکان بەڕێوە دەبات. لەگەڵ بێ هه‌ڵوێستی هێزە ناوده‌وڵه‌تیەکان، بە پشتگری هێزی ئەمپە‌ریاڵ، دەوڵەتی تورك بەردەوام هێرشەکانی خۆی زۆرتر دەکات. لە هێرشی عەفریندا بە گشتی گه‌لی كورد دەکرێتە ئارمانج. فاشیزمی دەوڵەتی تورك سوێندی پاکتاوکردنی هه‌موو كوردێکی خواردووە و هێرشی هەموو شوێنێک دەکات کە كوردی لێ بێت. عەفرین ئەمرۆ سه‌مبۆلی رۆحی یه‌كێتی نه‌ته‌ویه، سه‌مبۆلی خۆڕاگری گه‌لانه، سه‌مبۆلی ژیانی دیمۆكراتیك و ئازادە بۆ هه‌موو جیهان. ئەوانەی كە لەم خۆڕاگریە بێوێنەیە پێشه‌نگی دەکەن ژن و جەوانن. جەوانانی كوردستان بە ڕۆحی شەهیدانی وەک ئارین، ئاڤێستا و یلان دارا لە سه‌نگه‌رەکانن و لە دژی هێزی دووهەمی ناتۆ دا‌ستانی قا‌ره‌ما‌نێتی دەنووسنەوە. لە هه‌ر پارچەیەکی كوردستان، بە تایبه‌تی رۆژهلاتی كوردستانیش گه‌لێك جەوان بەشداری ئەو خۆڕاگریە بوون و هێشتاش بەردەوامن. بەڵام ئەم قۆناخە بۆ گه‌لی كورد قۆناخێكی جیاوازە. دەوڵەتی تورك لە عەفرین شه‌ڕی هه‌موو كوردان و كوردستان دەكات. بۆخۆیشی دەڵێت كە دوای عەفرین دەیەوێ به‌رەو شارەکانی دیکەی كوردستان دەچێت، یانی ئەگەر عەفرین سەرنەكه‌وێ ئامه‌د، سلێمانی، كۆبانی، مەهاباد و سنه و هەموو کوردستان دەکەوێتە مەترسیەوە چونکو فاشیزمی دەوڵەتی تورك سنوور و پارچە ناناسێت و بۆیەش كورد لە هەر شوێنێک ببێ پێویسته بکوژرێت و لەناو ببرێت. بۆیە ئەمڕۆ شه‌ڕ شه‌ڕی سه‌رخستنی شۆر‌شی گشتی كوردستانه و بەو هۆیەوە بە تایبه‌تی ژنانی جەوان، گشتی جەوانانی رۆژهەڵاتی كوردستان پێویسته به‌رەو خاكی عەفرین بەڕێکەون و لە ڕیزەکانی تێكۆشاندا جێی خۆیان بگرن. ئەمرۆ رۆژی خاوه‌نداری لە ڕوومه‌ت، وڵات، هه‌بوون و نه‌ته‌وەی کوردە. پێویسته هه‌موو جەوانانی كوردستان بە تایبه‌ت جەوانانی رۆژهەڵاتی كوردستان ڕاپەڕن و لە دژی فاشیسمی توركیای داگیركه‌ر تێكۆشان بكەن. ئەگه‌ر عەفرین بنكه‌وێ هه‌موو كوردستان بندەکەوێ، بەڵام ئەگه‌ر عەفرین سه‌ركه‌وێ هه‌موو كوردستان سه‌ردەكه‌وێ و دیمۆكراسی، ئازادی، یه‌كسانی، دادپەروەری و سۆسیالیزم سه‌ردەکە‌وێ. عەفرین بە باوه‌ڕ، قا‌ره‌مانتی و فه‌داكاری خۆی سه‌ردەكه‌وێ. ئەمڕۆ عەفرین بۆ هه‌موو كوردستان تێکۆشان دەکات، بۆ ژنان، بۆ جەوانان و گشتی کۆمەڵگای بنده‌ست خۆڕاگری دەکات. بەو هۆیەوە پێویسته پشتگری و بەرزكردنی تێكۆشان زیا‌تر بێت. هه‌موو جەوانەکانی رۆژهەڵاتی كوردستان چۆن بۆ كۆبانی گیانفدایانه سه‌فه‌ربه‌ربوون، پێویسته بۆ عەفرینیش بە فه‌داكاری و رۆحێكی زۆرتر سه‌فه‌ربه‌ر ببن. لەبه‌ر ئەوەی عەفرین ئێستا ڕە‌مزی سه‌ركەوتنی شۆڕشی كوردستانه. پێویسته هه‌مو جەوانان ئاگری شۆر‌ش گوڕتر بكەن و داگیركه‌ری تێک بدەن. وه‌كی كەجەرە و یەژەجەرە بانگەوازی بۆ هه‌مو ژنانی جەوان و جەوانەکانی رۆژهەڵاتی كوردستان دەکەین كە بە ڕۆحی سه‌فه‌ربه‌ری ڕووبکەنە عەفرین. هه‌روه‌ها بە دروشمی هه‌ر شوێنێ عەفرینه و لەهەموو شوێن خۆڕاگریە، پێویسته مەیدانەکانی رۆژهەڵاتی كوردستان و ئیران ببێته گۆڕەپانی چالاكی بۆ عەفرین.
p.p1 {margin: 0.0px 0.0px 0.0px 0.0px; text-align: center; font: 14.0px ‘Geeza Pro’}
p.p2 {margin: 0.0px 0.0px 0.0px 0.0px; text-align: justify; font: 14.0px ‘Geeza Pro’}
span.s1 {font: 14.0px Times}
