لەم دوواییانەدا رژێمی ئێران بە سود وەرگرتن لە گروپەکانی کۆنترا گەریلا کە لەلایان ناوەندی شەڕی تایبەتی دەوڵەتەوە بەڕێوە دەبرێن و ئاڕاستە دەکرێن، دەیهەوێ ئەو هەرێم و ناوچانە شناسایی بکات کە هەڤڵانی گەریلا تەیدا بەجێ بوون و دواتر پەلاماریان بدات، هەروەها بۆ ئەوەی رێگاکانی پەیوەندی گەل و گەریلا کۆنترۆڵ بکات و وڵاتپارێزان دەستگیر بکات.

ئەم گروپانە لە تیمی ٦، ٨ و١٠ کەسی پێک دێن و تەنها چەک و کەرەستەی شەخسیان پێیە، جل و بەرگیان وەکوو گەریلایە و جامانە و کەفیەی گەریلاش بەکار دەهێنن. هەروەها لەناو ئەو تیمانەدا کەسانێک بە زاراوەی کورمانج هەن (یان فێری کورمانجی کراون) بۆ ئەوەی دۆستان و وڵاتپارێزان فریوبدەن و بەو شێوەیە سیاسەتە چەپەڵەکانی سەرکوت و دەسبەسەرکردن و هێرشە نیزامیەکانیان درێژە پێ بدەن.

ئەم گروپانە لە زۆربەی هەرێمەکانی رۆژهەڵاتی کوردستان هەن و بەم دوواییانەش لە دەوروبەری سنەو چلچەمەی سەقز، ژمارەیان زۆرتر بووە. بابەتەکە ئەوەیە کە دەوڵەت کەمتر سوپا دەنێرێتە ئەو هەرێمانەو بەشێوەیەکیتر پەرە بە سیاسەتی بەکرێ گیراوێتی و خیانەت دەدات.